SARE

laburpena:
Mutil bat (uste dut mutila dela), gau batean ikusi duen erreportaiaz hitz egiten du.
Erreportaia, elgoibarren zegoen egoeraz mintzatzen zuen. bertan, 14-17 urteetako neska-mutilak agertzen ziren mozkortuta, drogekin jolasten eta abar. Gero, testu horrekiko esalditxo batzuk agertzen dira gai horretaz pentsatzen dutena esanez.
Eta ni ere niri iruditzen zaidana esango dut.
Nik ustez edatea, erretzea eta drogen munduan sartuta egotea ez da "guay-a" egiteko gauza. Jende askok horrela egiten dute eta gainera esaten digute "pringau" batzuk garela hori ez egiteagatik. Jendea helduarena egiten du edan eta erretzeagatik. Eta nik pentsatzen dut eta askotan esan dut: heldua izango bazina ez zenuke hori egingo edukiko zenukeelako buru dexente jakiteko hori ez dela bidea "guay" izateko.
Eta nire ustez, nik edango dut nahi dudanean, ez dut erreko ez zaidalako osasungarria iruditzen eta inolaere ez dut drogarik hartuko. Ez dut egingo helduarena edateagatik edo modan egoteagatik. Edaten badut nik nahi dudalako da eta ez inork behartzen nauelako.
Penagarria iruditzen zait egiten dutena. Hori da guztia.
iruzkina:
nahiko ulerterraza iruditu zait, hala ere pertsona batzuk ez dute oso argi hitz egiten.
gaia gustatu zait, bakoitzak pentsatzen duena esaten duelako.

tuna-fish komandoa

Laburpena:
Unibertsitate batean, hf-ko mutil gihartsuak eta farmaziako neska lerdenak elkartzen dira. Mutilek arrakasta handia izaten dute neskeekin eta neskak mutilekin.
Ostegunetako gaueetan, ostiralean etxera bueltatzen direnez, ikasleek sekulako parranda egite dute eta asko ligatzen dute. Tuno deitzen diren mutil batzuk ailegatu arte. mutil hauek beltzez jantzita doazte eta hainbat instrumentuekin amodiozko kantak botatzen dituzte; Orduan, HF-ko ikasleen arrakasta gutxitzen dihoa eta hauek, nola edo hala, tunoekin amaitzea eztabaidatzen dute.
Horretarako, tuna-fish komandoa eratzen dute, talde sekretua, eta tunoekin amaitzeko, infiltratu bat sartzen dute tunoen taldean, Joxemari deitutakoa. Honek, hainbat gauza eginez 3 tuno hil egiten ditu eta azkenean, tunoak desagertu egiten dira.
Berriro, HF-ko ikasleen arrakasta handitu egiten da, lehen baino gutxiago, baina handitu egiten da.
iritzia:
oso luzea da! gustatu egin zait, ematen du idazleak bizi egin duela esaten duena detaile asko agertzen direlako, ulerterraza iruditu zait.

Defuntu bat betikoz da

iruzkina:
Mollyren senarra hil egin da. Testuaren arabera, Mollyk hil du senarra. Egun batzuk pasa eta gero, bere senarraren gurasoak etortzen dira eta diamante bat duen eraztun bat oparitzen diote, esanez, bere senarraren oroipean dela. Orduan, Molly zeharo nahastuta, pentsatzen geratu da eta eraztuna kentzen asko sahiatu ondoren amore eman du; ezin du kendu. Stephenekin afaltzera joan eta (Stephen bere maitalea da eta bere senarrari berarekin engainatzen zion) bat-batean, konortea galdu eta ohean agertzen da etzanda, eraztuna barik. Gelako ordenagailura joaten da, non, bere senarrak, egunak joku batean murgildurik pasatzen zituen, eta ikusten du, joko hartan bere etxea bezalako etxe bat agertzen dela eta senarraren gorpua piszinan; hark utzi bezala. Molly beldurtu egiten da eta ordenagailua lurrera botatzen du. Halako batean, telefonoaren doinua entzuten du. Bere senarra da (suposatzen da hilda dagoela), eta esaten dio defuntu bat, diamantea bezala, betirako dela.
iritzia:
nahiko gustatu zait. suposa daiteke emaztea zeharo kokoteraino dagoela eta momentu batean senarra hiltzen duela. gainera, beste gizon batekin adarrak jotzen zizkion. Nire ustez, ordenagailuko joko hori "SIMS" antzekoa da eta erraz handiz irudikatu dut nire barnean. Gero, amets bat izango balitz bezela, joko horretan sartu eta senarraren deia entzuten du, hemen kontura gaitezke beldurrezko edo eta misteriozko historia bat dela.
Testuaren hiztegia oso landua da eta adjetibo mordo bat erabiltzen ditu, nire ustez pertsona batzuk ez lukete jakingo zer den defuntua (nik ez nekien) eta, defuntuaren sinonimo bat erabili beharko luke hobeto ulertzeko.

PoBrEzIa mUnDuAn

Munduko biztanleriaren %20a aberastasun gehienak dituzte eta munduko %80a %20ak nahi ez dituen edo menperatzen ez dituen gauzekin konformatu behar da.
Datu hauek harridura eragin beharko lukete gure artean, baina dirudienez, jendeari ez zaio batere axola. Jarrera honek demostratzen du gaur egungo biztanleria oso berekoia dela eta bere ongizatean besterik ez duela pentsatzen.
Hala ere, biztanlerian horrela pentsatzen ez duten pertsonak ere badaude. Hauek, besteen pobreziaz arduratzen dira eta ONG-ak osatzen dituzte.
ONG-ak hainbat motatakoak izan daitezke:
boluntarioak
dohaineko zerbitzuenak
amankomuneko elkarteak
garapen aldeko ONG-ak (ONGD)
ONG-ak XIX-mendetik egon ohi dira lanean. Zaharrena Gurutze gorria da eta erakunde honetan lan egiten duten boluntarioek besteenganako ekintza multzo handia egiten dituzte munduan. Asiako zenbait lurraldeetan Gurutze gorria Ilargi erdia deitzen da, lurralde hauetan jainkoarengan sinisten ez dutelako aldatu dute izena.
Honek erakusten digu, erlijio desberdinetakoa izatea ez dela arrazoia gure artean elkarri ez laguntzeko.
Urtero, eskolek eta elizek, hainbat kanpaina egiten dituzte dirua edo janaria biltzeko Afrika edo Asiako herrialde txiroetara bidaltzeko. La Sallen adibidez, gabonen postalen bidez dirua bildu egiten da lurralde txiro batera bidaltzeko. Kiloaren kanpainak ere janari bilketa egiten du Afrikako herrialdeetara bidaltzeko, han, jende asko gosez hiltzen delako. Beste batzuetan ordea, ura ateratzeko putzuak eraikitzeko diru bilketa egiten da.
Nahiz eta arazo hauek gure artean ez eman, une txiki bat gelditu beharko ginateke zer egiten dugun guk besteengan pentsatzen.

Urkamentua

Urkamentua, pertsona bat delitua egin duenean zigortzeko erabiltzen den metodo bat da.
Nazioarteko amnistiaren datuen arabera, 2003. urtean gutxienez 1146 pertsona urkaturik hil egin ziren 28 herrialde desberdinetan.
Hilketen %84a lau lurralde hauetan gertatu ziren: Txina (726 urkamentu), Iran (108), EEUU(65) eta Vietnam (64).
Orain dela gutxi, abenduaren 30ean Sadam Husein urkaturik hil egin zuten bere politikarengatik eta ekintza txarrengatik. Ez dakit oso ondo zer nolako gauzak egin zituen pertsona honek, baina pertsona bat urkamentura eramateko nahiko arrazoi izan behar da. Bere hilketan, pertsona batzuk mobilarekin urkamentua grabatu zutela entzun dut eta hori ez zait oso egokia iruditzen zeren eta pertsona baten sufrimendua grabatzea izango litzateke. Zihur, diru mordoa irabaziko zutela bideo hori telebistako kateei saltzeagatik.
Hala ere, eta pertsona hau urkatuta hil ondoren, ez nago oso ados urkamentuaren prozesua erabiltzearekin.
Urriaren 10ean, urtero, herrien sentsibilizazio eguna ospatu egiten da urkamentu eta hilketen kontra.
Nire ustez, egun hau ez da nahikoa jendea konturatzeko hau ez dela modua gauzak egin behar diren bezala egiteko.
Pertsona bat urkatzea bere bizitzaren gaineko erabakiak hartzea dela iruditzen zait eta nahiz eta krimen eta delitu asko egin ez zait ondo iruditzen pertsona horri bizitza kentzea, egin dituen delituak ez dituelako aldatuko.
Baina, nahiz eta metodo hau, hala nola "basatia" iruditzen zaidan, pertsona batek delitu oso oso larri bat egin badu pertsona hori kartzelan bere bizitza guztia pasatzearekin bat egiten dut.
Justizia izan behar da erabakitzen duena.

Homosexualitatea

Gaur bertan egon naiz lagun batekin gai hontaz eztabaidatzen. zer gertatuko litzateke gure artean (etxean, gelako taldean, kuadrilan), homosexual bat egongo balitz?-eta nire erantzuna: ezer.
Bizi garen mundu honetan, oso modan dago. Iraultza. Horregatik uste dut, gure artean pertsona bat homosexuala izango balitz ez liokegu ez begirada txarrik, ez mespretzurik egin beharko. zer gertatzen da, agian, zure lagunmina homosexuala bada; ez duzu maitatuko? ez diozu berriz ere hitzik esango?
Nolakoak garen, jainkoarren!
Hala ere, iazko pentsamoldeak dituztenak badaude oraindik: homosexuala izatea bekatu bat da! arren; jaio denak jaio gara eta hil denak hilko gara, beraz zer pasatzen da? infernura joango zara beste guztiak bezalakoa ez izateagatik? auskalo zer gertatzen den gure barnearekin hil eta gero, baina bizi garen munduan, nik esango nuke bertan behera geratzen garela, ez zerura, ez infernura; hilik, hutsa.
Hala ere, eta nahi gabe erlijio kontuetan sartuta, nik nire bizitzan zehar eduki ditudan esperientzietaz baliatuz, zerbait dagoela, hor nonbait, esango nuke.
Baina beno, homosexualitateen kontura itzul gaitezen.
Orain dela urte batzuk, homosexualek ezin ziren beraien artean ezkondu, ez elizatik ezta udaletxetik ere. Apaizek homosexuala izataren kontra zeuden eta ez zuten onartzen gauza hauek gertatu zitezkeenik. Hala ere, gaur egun geroz eta jende gehiago homosexuala da eta ezkondu egin daitezke, nahiez eta elizari gustatu ez.
Gaur eduki dugun beste zalantza bat, lagunak eta biok: zure (lehengo adibidea jarraituz) lagunmina, zutaz maitemintzen bada?-Hor nik arazo bat ikusten dut. alde batetik, zure betiko laguna denez gero, gauzak diren bezala ulertu beharko lituzke eta beste batetik hari esaterakoan, sentitzen duzun lotsa.
Nire ustez desberdina izateak ez da sozialki irainik jasotzeko arrazoia eta oso ados nago homosexualek nolakoak diren onartzea bai, gay-ak eta bai lesbianak. Haiek ez dira zertan lotsatu beharrik, nahiz eta beti egongo den tontolapiko hutsa bat haien kontra dagoena; homosexualitatea onartzen ez duten pertsonek gauza hauei beldurra dietelako da.
Gauzak halakoak dira. Azken finean, guztiak desberdinak gara.
Errespetua izaten eta besteenganako sufrimendua desiatu gabe bizi gaitezen.